في حق سيد الشهداء

[ام رند]

يحسين الك بكلوبنه ذكرى والم من ثورتك لليوم ماناسينه

من رحه اجيوش الكفر دارت عليك ورادوا المصطفى ايضيع ودينه
جي لكوك احسين رمزا للوفاء وثورتك ليهسه عاشت بينه

منك تعلمنه كل حك مايضيع ونكره الشين ونحب الزينه

الهسه صوت بصدر كل مؤمن غيور

مارضه اجيوش الكفر تاذينه

ولحد هذا الوكت ظل خالد ثراك

ومن فضل عزتك العزه البينه

ومن ابو فاضل تعلمنه الاباء طاح جفه ورفض ذل اسكينه
ياأبن بنت النبي الزهره البتول فاز لجلك كلمن اتصب عينه

ياأبا السجاد يارمز الجهادلهسه دمك نار في طف كربلا

والسهام من الكفر تمطر عليه خافو امن الماي بيده ايوصله
طاح بس العلم ظل ثابت شموخ وفزع لجله حسين صبر ومرجله

التمت سهام الكفر وي السيوف وجبل صدرك سيلهم يتحمله

وراسك على الرمح من قرأن صارايه ضلت شامخه ومستبسله

والجسد مطروح ومخضب دماءوالسماء بكل فخر تتأمله

وصرخه من زينب تهز اعتى العروش تكعد النايم تره وتجفله

ياحسين بحضرتك نوكف خشوع ونلزم اتراب الارض ونقبله

الكاع شالت شخصك ومفتخره بيك وبيك سموها اذا ام العله

حسين ياثوره ونهج خط الجهاد الجهاد بغير شخصك نجهله

: انته راية وفه خطتها السيوف وانت للامه قضيه ومساله