منازل ورثاء للشهداء

[ansari_17_1]

بسم الله الرحمن الرحيم


اللهم صل على محمد وال محمد الائمه والمهديين وسلم تسليما


منازل ورثاء للشهداء


شرد اوصفك انته يالاء الحسين :::::وشهدت اباسمك ملائكة السمه


ومنو مثلك وانته مجروح واسير:::::ولعن للاسرك صوتك كلمـــــه


انته مثلت الاباء بهــــــل زمان :::::وانته مثلت الشهيد ابأعضمـــــه


من الجروح وانته ما تكدر تكوم::::وبهاذا صبعك وصفتهم شرذمه


كلي منو مثلك شجاع بهل زمان::::بصدره الطلقات وابدآ ما همـــه


ومنوميخاف العدو وهو جريح:::::اسره اعداه وابد ما ساومــــــــــه


انته يامجتبى وصفك شي عجيب::::وعرش كل طاقي فعالك هدمه


ومن شفت تصويرك بذيج القناة:::::كلت هنيالك على هالغانمــــه


مجتبى ومن اذكر اسمك ارتعش::::وانته وقعت الشهاده بالدمــــه


انته ويه اخوانك الراحو فداء::::::بينيتوا الدعوه صارت بالسمه


وصحتوا اعله الصوت وبكل البقاع:::::هذا القائم ظهر سر فاطمه


وسمع كل العالم بهذا النداء:::::وانتوا فزتو بالشهاده المحتمه


ونلتوا اعله المرتبه بدار الخلود::::وي محمد وي علي وي فاطمه


وبشهادت سيد احمد انتوا خير ::::وانتوا وسط الامه وانتوا المرحمه


لان ماهمكم جرح لاخفتوا موت::::وامتثلتوا الولي الله وصارمه


وطرشيتوا اعله المنايه بكل يقين::::وداهميتوا الموت عكس الداهمه


انتوا آيه وفزتوا برضاء الجليل ::::والي يمشي في خطاكم ماخسر


انتوا معنا الدين واهلا للاباء:::::وانتو كل انصار بيكم يفتخر


انتوا جاهدتوا بكلب وايد ولسان ::::وصرتوا شجره اتفيي وتحمل ثمر


شرد اعدد من فضائلكم شكول ::::انتم الشيعه الخلص والضفر


وشرد اسميكم وانتم بالسماء::::اسمائكم محفوره في ذاك الخبر


انتوا بيكم لااله الاالله::::ارتفعت وانتوا مثلتوا النصر


الله ايكدرنه نمشي بهل مسار::::وما نجرب موت الا بهل كدر


......................


والحمد لله رب العالمين


وصلى الله على محمد وال محمد الائمه والمهديين وسلم تسليما


خادمكم ابو احمد الانصاري

[ابومصطفى]

رد: منازل ورثاء للشهداء

=سلام =

بسم الله الرحمنالرحيم
والحمد لله رب العالمين
الحمد لله وصلى الله على محمد وآلهالأئمة والمهديين وسلم تسليما كثيرا

رحم الله الشهداء سبقونا .... نسأل الله اللحاق بهم

إلى العلياء مجدا .. صرتُم .. أنصار إحنه وياكم

و العلم عند الله
أخوكم \ أبومصطفى