Tweet
بسم الله الرحمن الرحيم
اللهم صل على محمد وال محمد الائمه والمهديين وسلم تسليما
الموعود
يسالوني على الموعود كالوا شسمه امحمد
واجاوب هالاسم معلون وبعد ليه اسم وملبد
يطلع بآخر الازمان كالوا شسمه كلت احمد
كالو شل الدلاله البي نريد اليوم نتأكـــــــد
كلت بي من رسول الله وصيه اذكره ومئيد
ومن سمعوا ابمهديين كل واحد يحضر رد
وكالوا كبل ما شفنه طلع هل الوصيه احد
وكالولي اشعجب حسيت توك ما جنت تعبد
كلت سمعوا الكلام اليوم وسمعوا شويه من الرد
عشت في ظلمه من عمري لااكثر جنت ارمد
وجنت ما احجي بس كلمات وشما طال الحجي ينعد
وبفضل الله عرفت اليوم هالموعود المسدد
صدكوا كمت ما اسكت والساني بالحجي مبرد
كالوا سلمتله ابساع كلتلهم بعد ازود
اشلون ومااسلمله وآنه ابحضرته اتعبد
اليشوف الحسين اليوم يصيح ابشيعته ويزهد
ماعنده حيه واخلاص اذا ما كلبه ضل يرعد
ومن حبه الدموع اتفيض واخذ الحجي من كل جد
كالولي بجيت اشبيك دمع الفرح لومحتد
كلتلهم بجيت اعليه اشوفه انظلم واتشرد
واشوفن حمله حمل اجبال صدك مايحمله احد
الله ايساعدك مولاي من التعبد ماتبرد
شيبرده الاله ثارات وربك بيه يتوعد
ثار الطاح بالمحراب ::وثار الي عصرها الباب
وثار الحسن المسموم::وحسين انكتل مظلوم
وثارك ياعلي الاكبر::والعباس المشكر
وثار الظلم وثار الجور::وشكد عمر الرضيع اشهور
وثار الي انسبت للشام::وثار الحرم والايتام
شيبرده الاله ثارات وربك بيه يتوعد
يالايم بعد لتلوم لوشفت الدمع يمتد
ولو ما سيدي معصوم مايتحمل الهل حد
اوصيه يالتشوفه ابيوم كله عليك نتودد
نحبك موحجي كلمات كلبي باسمك يردد
يربي فدوه لولحضات اشوفه اشويه لو هلكد
ولو تنشدني شنهي اتريد كحل اعيوني يلتنشد
مشتاك الك يالموعود مرني ابطيف يمسدد
اريد اتشرف ابرؤياك بعدك جرح وفرهد
ومن يحجي شخص رؤياك اطلب شوفتك واركد
واذنوبي ما تخليني عيني بحضرتك تشهد
ادعولي يهلانصار تكرب شوفت المورد
وبآخر كلام احجي للي ايكرب ويبعد
يلي انشدت عالموعود اسمه احمد اسمه احمد اسمه احمد
.................
والحمد لله رب العالمين والصلاة والسلام على اشرف الخلق اجمعين محمد واله الائمه والمهديين وسلم تسليما.
خادمكم ابو احمد الانصاري
Comment