قصيدة في رثاء الشهيد السعيد عباس سبتي

[southfalcon]

بسم الله الرحمن الرحيم
اللهم صل على محمد واله الائمة والمهديين
وانا لله وانا اليه راجعون

عظم الله لك الاجر يا صاحب العزاء .... احمد

ما بين الامس واليوم سنة تتكرر... بالامس الامام الكاظم ع شهيدا على الجسر ببغداد وفي هذا الزمان كل فترة شهيد من انصاره على مقربة من نفس المكان

طك ظهر الجسر من طاح عباس
والكاظم تعناله وشاله
دار العين صوب المرتضه وصاح
سووهه تره اهل النذالة
يحامي الجار جيرانك العدوان
ترضه شلون يا رمز العدالة
احلفك بالضلع يا سيدي تكوم
زلزل يمن ما يخفه زلزاله
جرد ذو الفقارك واخصف الروس
يمن اسهله من خصفة نعاله
لن صوت الضمير يجر الحروف
يمن تكتب صبر بالله وجلاله
اذا يسكت علي ما هانت عليه
حمره الكاع من دم الرسالة
اذا يسكت علي عنده اذن غايات
ويوم ام الحسن ما يخفه حاله
باجر سيف المجرب عليهه يصول
اسد صفين معروفه افعاله
كبل تدري بجملهم شنهو الصار
من طاح الجمل محد بقاله
وفرحانين عدهم عسكر وجيش
وعلى ابن المهدي كثروهه الجماله
وحك ضلع البتول يصول ذو الفقار
وحك نحر الحسين يهل هلاله
وحك ارض الوسيعة ما تظل كاع
تحميهم من المهدي واله
ذو الفقار جاهز ينتظر كون
بس الامر من رب الجلالة
اعصار بيمين العرش ويصول
منهو يناجزه بساعة نزاله
اذا ينزل بساحة ساء مصباح
ساحة كلمن الواكف كباله

[محمد الانصاري]

رد: قصيدة في رثاء الشهيد السعيد عباس سبتي

انا لله وانا اليه راجعون
ولاحول ولاقوة الا بالله العلي العظيم وسيعلم الذين ظلموا اي منقلب ينقلبون
عظم الله تعالى لكم الاجر

[ansari]

رد: قصيدة في رثاء الشهيد السعيد عباس سبتي

احسنت في الصميم واحسن الله اليكم العزاء انصار الله

[ناصر السيد احمد]

رد: قصيدة في رثاء الشهيد السعيد عباس سبتي

بسم الله الرحمن الرحيم
اللهُمَ صَلِّ عَلىَ مُحَمَدٍ وَآَلِ مُحَمَدٍ الأئَمّةِ والمَهدِيينْ وَسَلّمْ تَسْلِيمَا

وانا لله وانا اليه راجعون

عظم الله لك الاجر يا صاحب العزاء .... احمد

أحســـــنت على هذه الكلمات المعبرة والقصيدة الجميلة