في رثاء الاخوين السعيدين علي وحسين اعلى الله مقامهما

[southfalcon]

بسم الله الرحمن الرحيم وانا لله وانا اليه راجعون
امطري سجيلا .. كوننا عليلا ...لو مطرت دهرا...في حقهم قليلا

..................

بميلادك يا رسول الله ...جرحين
جرح الاول علي والثاني... حسين
بميلادك هدونه بني العباس
جثث اطهار ما ساومو عـ دين
واذا تنشدهم بشنهو مذنبين
يكلولك وصيتك ذنب الاثنين
وصيتك يا محمدنه الذنب
ومكلوبة غدت كل الموازين
لان ما بيهه هبلهم تتبعه الناس
لان بعد الائمة ذكرت مهديين
لان فضحت وصيتك زيف الارجاس
يعدمونه ولا جنه مسلمين
دخيلك يا رسول الله من ناس
صورتهم بشر حقايقهم شياطين
دخيلك يا ابو فاطمة الزهراء
تره مصخت ومرة توالت سنين
دخيلك والصبر يا بو الصبر طاح
جم يوسف بجبهم يعرفونه زين
جم ابراهيم جمعوله الحطب والنار
جم موسه بعصاه طك البحر نصين
ما تنفع معاجز ويه هاي الناس
لا ينفع وعظ و اخلاق لا دين
وآدم مو اوادم بس حلك وانياب
ومنهه يسيل دم هابيل للحين

[Saqi Alatasha]

رد: في رثاء الاخوين السعيدين علي وحسين اعلى الله مقامهما

انا لله وانا اليه راجعون ..

شعر للسيد ياسين الحسيني وفقه الله في رثاء الشهيدين علي وحسين

صدك ماشوف طولك بعد ياخــوي؟ .. ولا يمــــــــي تمر وتفرح العـــــــــيون
شكل لمّك يخي من تســـــأل اعليك .. شيصبّر كلبها وتسكت شلــــــــــون
شيسكت اطفالك لـــــــو درو بيك .. شيسكت احبــــــــــــابك لو يعرفون
صدك جوه التراب اصبحت موجود .. وصدك برض المقابر صرت مدفون
عليك القلم يبجي ويكتب حـــروف .. كتب مغدور مــــــو زلم اليغدرون
تعودنا الغدر من ناس ظلاّم .. اشـمـا تمد ايـــــدك يـعـضّــون
عشت عمرك اسد ما همك الموت .. وجانوا من تواجههم يختلون
الك اخوه ومثل للناس صارو .. ينعونك لامامك صابر اشلون
ياعلي ياحسين تهنى بجنه الخير .. شهيد انته وعلى عناد اليكولون
والنصرته لا تظن فد يوم ينضام .. اذا ما شاله راسي تشيله لعيون
لأن فضله علينه بلايه مقياس .. ننطي ارواحنه وماأظن يووفون
وقسم بالله ندفع كل عمرنه .. (لاحمد ع) ولاخر نفس ابقاله مديون

وشعر ثاني انزله الشيخ فأس ابراهيم وفقه الله في البالتوك

أبكي... وهل يشفي البكاء غليلا وقد انتوى عنا الحبيب رحيلا
أبكي... وليس من البكا بد و ان كان المصاب على القلوب جليلا
أبكي …على غصن نما في روضة للحق أذبله المنون ذبولا
أبكي …فتى فوق الثريا نفسه يلقى الممات ولا يعيش ذليلا

[ansari]

رد: في رثاء الاخوين السعيدين علي وحسين اعلى الله مقامهما

جزاكم الله كل خير وعظم الله اجوركم انصار الله وانا لله وانا اليه راجعون والعاقبة للمتقين