وفاء أم البنين (عليها السلام )

[Saqi Alatasha]

وفاء أم البنين (عليها السلام )


حي ام البنين وحي مواقـــــفها محتاره العباد شلون توصفها
ـــــــــــــــــــــــــــــــــــــ
حي ام البنين توصــي بالويلاد أنطوا ارواحكم فدوه لبو السجاد
عِيدوا لعودكم حيدر علي الأمجاد وأيام البطوله الناس تعـــــرفها
ـــــــــــــــــــــــــــــــــــــ
أوصيكم باختكم لاتعوفـــــــوها وناﮔـة زينب انتو اللي تـﮔودوها
يبت المصطفه المخــتار نادوها وبسابع السمه المعبـــود شرفها
ــــــــــــــــــــــــــــــــــــ
إجتي ويَ النشامه لدار بيت حيدر وخلت إيد زيـــنب بيد المشـكـَّر
جدها المصطفه ويانه ماقــــــصَّر توصي ودمعة الآلام تذرفـــها
ــــــــــــــــــــــــــــــــــــــــ
ياعباس زينب خــــــــدر المرتب شما تامر أختكم نفذوا المطلب
بالك ﮔبل زينب ياوفي تشـــــرب ولزينب ﭼفوف الماي اغـرفها
ــــــــــــــــــــــــــــــــــــــ
فديتي الأربعة وعباس وياهم وكسبتي الآخره والدنيا برباهم
وعلَ روس الفواطم رفرف لواهم والرايه الـﮔمر عالماي رفرفها
ــــــــــــــــــــــــــــــــــــــ
وباﭼر بالجنان يطير بـﭼفوفه هذا البطل أم حسين متعوفه
تطالب ثار له والوادم تشوفه ثمر صبره وجهاده اليوم قاطفها
ــــــــــــــــــــــــــــــــــــــــــــ

منقول ..

[نرجس]

رد: وفاء أم البنين (عليها السلام )

السلام على الطاهرة ام البنين

احسنتم وتقبل الله اعمالكم

[Saqi Alatasha]

رد: وفاء أم البنين (عليها السلام )

أحسن الله اليكم وفقكم الله لكل خير

[حكيم الراجي]

رد: وفاء أم البنين (عليها السلام )

بوركت أخي الطاهر ساقي العطاشى ..
وفاء أم البنين أنموذجا للمخلصين يشرح القلب ذكراه ..
جزيتم خيرا ..
والحمد لله وحده ...

[Saqi Alatasha]

رد: وفاء أم البنين (عليها السلام )

وفقكم الله لكل خير اخي حكيم الراجي بخدمتكم ان شاء الله