Tweet
قصيدة جنها زينب هاي للشاعر .. عبد الخالق المحنه
كلمات رائعة تحكي لكم مأساة سيدتي زينب عليها السلام
:: الكلمات ::
شنها زينب هاي بنت حامي الدخيل ***** بس عجيبه انشوفهـا بلايـا أهـل
كون اخت عباس تركب على هزيل ***** يعنـي ياستـار عبـاس انجـتـل
هي زينب هاي على الناقة وتميـل ***** ومن تميل الريح يسندهـا بخجـل
بيها هيبة حيـدر وزعـل الجفيـل ***** وبيها صبر حسين لاح وياالزعـل
والعجيبة شلووون يحديها الغريـب ***** وانا أعرف زيـن باطبـاع الجفـل
وشانه راس حسين ذاك على الرمح ***** وهذا ياسيف اللي ذبح خير العمـل
وين سبع القنطرة وسبع الطفـوف ***** شصبر الراس على رمحه وما نزل
بعينه من شاف الشمر سوطه يلـوح ***** بمتن زينب كيف عبـاس احتمـل
يعني هاي ام الخدر زينـب أقـول ***** يعني أيـاس لاخدرهـا ولا أهـل
يعنـي لا جفالهـا يلـوح الجفـون ***** ولا أبو الحملات من صاحت حمـل
يعني ضلت بيـن جتـال الحسيـن ***** وبين سلاب الربى بين حضن الفشل
بس على اعناد الوقت وشما يجـول ***** ماتهبـط راسـه ربـات الفـحـل
هي زينـب مايغيرهـا المصـاب ***** شان على الناقة وإذا فـوق الجبـل
- -
منقـــــول
Comment