قصيده الى سيدي ابا الفضل العباس ع

[حيدر ال علي]

الكمر ما طاح لا لتصدك ابهايه
لان يرجف الكون ابرفة الرايه
..................................
دخلي انشوف هذا النهر لو عباس
هذا اسمه نهر وكباله ابو النوماس
لو نجمع بعد ما نلكه ابد مقياس
لان ماكو قياس ابجوهر الايه
........................
اذا كلنه نهر يعني النهر محدود
واذا كلنه الكرم لي ما ترسله الجود
واذا كلنه الكمر يعني يبيض السود
سبع الكنطره وسد المسنايه
................................
دخل نعرف الماي شيوصف شيعني
مامش من جود جود ابنقطته ايذلني
بس الكمر من طبعه ينورني
اذن عباس هو اليروي من مايه
..................................
ابن من هذا نهرك يا فرات امنين
واذا عن الكمر ذوله اخوته الحسنين
واذا رايد بعد روح اسئل ابصفين
ياهو السوه انهر تجري بدمايه
....................................
من طبع الكمر الناس تتنتظره
ومن طبع النهر يادوب الك نظره
وبعد حب الكمر معروف علفطره
وهيه هنانه تكمل صورة الغايه
.........................................
من طبع النهر يتجمد من الريح
وبعد طبعك رجيج من الشمس ايسيح
بس طبع الكمر ايعلم التسبيح
معروف المراجل حامي الحمايه
......................................
لو ما هو الكمر محد طنق باسمك
او ما هو الكمر محد عرف رسمك
اذن يعني الكمر هو الذي ضمك
اذن هو الكمر صار الك تجايه
...................................
اسمع يا نهر ليك الكمر ما طاح
انتي الي طحت جوه الكمر من صاح
من طبع الكمر فوك النهر وضاح
وانت اختلت من صيحيته الدوايه
........................................
اسمع هلخبر بالنهر تاكيده
ما طاحن اجفوفه واكصو وريده
هو النهر نفسه قبل ابيده
والنوب انتخه العباس بجايه
..........................
هاك اخذ الدليل وابد لتجادل
ليش الكمر يم النهر ايقاتل
لان نفس النهر اتنخه ابو فاضل
وطلب من الجفيل ايستره بالثايه
.....................................

[نرجس]

رد: قصيده الى سيدي ابا الفضل العباس ع

احسنتم وزادكم الله من فضله