قصيده الى القاسم ابن الحسن ع

[حيدر ال علي]

القلم ظل محتار ما يكتب صفن
لان جاسم برز هذا الحسن
.....................................
انه جيتك عمي تعرف غايتي
وخلص مني الصبر نزلت دمعتي
جيت اضحي اليوم لجلك ركبتي
كو يا عمي تنطيني الاذن
..............................
ناد ابو السجاد والمدمع يهل
اه يا عريس الهواشم يا كحل
شلون ارضاه اشوفك تنجتل
ومن بعد عيناك اظل انه اون
.................................
اه يا ابو السجاد جاشنهي الحياة
ومن بعد عيناك كل احنه ممات
وانت بيدك علمتني التضحيات
وانت اقدس تضحية ابهذا الزمن
..............................
ون ابو السجاد من هذا الكلام
وقبله من راسه وانطاه السلام
ولبسه درعه ويه سيفه باحترام
وكله روح وداعت الله بكل شجن
..........................
نزل للحرمه ركض وبكل فخر
وصاح انه ابن الحسن ولهم عبر
وخله جيش الكفر ما يندل مفر
تكول جن اشراع ويسير السفن
..............................
كله صاحب بويه جا شنهو الضغب
الجيش كله اخترع من عنده ارتعب
داس بيهم حيل وعلحومه ركب
محد يشوفه فقط سيفه يرن
..............................
لقن اجيوش ا ل اميه اكبر درس
وبعد اكبر فارس اكباله فطس
والي ما لاحه خمد منه النفس
شكك اجيوش العده واهل الفتن

[نرجس]

رد: قصيده الى القاسم ابن الحسن ع

احسنتم زادكم الله من فضله