Tweet
بســم الله الرحمــن الرحيــم
اللهــم صـلِ علـى محمــد وآل محمــد الأئمــه والمهدييــن وسلــم تسليمــاً كثيــراً
صــــلآة القصيــــدة
واجب لوردت أكتب على الزهراء *** صلاة أنه القصيدة كون اصليها
وأبدي أبسملة ما اخلي ابد عنوان *** ولان الزهرة سورة أبسملة ابديها
وأستأذن محمد وارتجي الكرار *** وبدموعي القصيدة كون أغشيها
وأصفي النية واجب قبل الاستأذان *** ما تنفع أعمال ونية مابيها
اذا يوذن الشعر كل القوافي اتكوم *** قبلة أم الحسين ونتجه ليها
ولأن حيدر الماي توضه بيه الدين *** القوافي أتيممت بتراب رجليها
قد قامت محبة فاطمة الزهراء *** ونشهد أم ابوها الكل يسميها
حي اعله الولاية لبت رسول الله *** وهنيال الصلاة التنختم بيها
سجدة عشك نسجد قربة لله *** ويم ام البتول الهامة نحنيها
واستغفر الله من السهو لو كان *** وبدمع اليتيم الزهرة اناجيها
واسلم هية كانت خير خلق الله *** تفاحة الرحمة الربي هاديها
أنه بذمتي قوافي وشعر ما مذكور *** وفروض القصيدة الفاتت اقضيها
أعصرها وي دمي أخبطها وي الذات *** وأعلكها حرز بجتافي اخليها
عشر معشار وصفج ما جبت زهراء *** وخجلانه القصيدة وخجل راعيها
البضعة البتول الكوثر الحوراء *** اذا تعطش قصيدة الزهرة ترويها
شرف راية القصيدة ** وأمي بيها
وشخص واحد الزهرة ** وأمه بيها
هاي ام الحسين ** وأم أبيها
أحبها بكثر ظلم الغاضرية
.
.
للشــآعـر
خـآلـد الفـرآتـي
والحمــــــد لله وحــــــده
Comment