Tweet
عجل بالفرج تتنخه هاي الكوم
واجلمة العجل بيه متعودين
بس نطقة لسان او اسود المضموم
تعويد او ابد ما ضبطوا الشفتين
بس جلمة جذب يعرفهم المعبود
والهذا السبب غايب المهدي اسنين
ابعدد غزوة بدر رايد المهدي انصار
او نعد الشيعة صاروا بالملايين
ما بيكم ثلثمية عجيب اشلون
ما بيكم عشرة الاف متهيئين
خل نحجي ابصراحة او نكشف المضموم
لو يدري الامام اتناصرون الدين
من درب الحسين ايشيل كومة انصار
او من هاي العبر اخذ البراهين
صح شاف الجدم تمشي لبو السجاد
بس نفس الجدم والت سلاطين
صح راية علي رفعوه هاي الناس
او هم راية عمر رفعوه في عليين
صح راية حسين البطريق انشوف
او هم راية شمر مرفوعة ويه حسين
صح اجفوف ابو النوماس مرفوعات
او هم راية علت للكاطع الجفين
صح شفنه رضيع او بالسهم مذبوح
بس شفنه السهم محترم لا ميلين
صح زينب يسيره امصوريه الكوم
بس هم الحدو بيه اهواية محترمين
صح راية القائم علت على الزوار
بس فوك النجم راية شياطين
صح شفنه خلك منتخبه اهل البيت
بس نفس الخلك ليزيد منتخبين
اشلون المهدي بيكم يفتح البلدان
او لكاكم على السقيفة اليوم متفقين
هذا القائم ابنصكم خذلتوه ليش
ابنه احمد اجاكم فتشوه العين
وين ايام عجل بالفرج مولاي
وين اسيوف كلتو انصير اله وين
سيفك ما تحده ابصدر طاغوت
ليش ابصدره حدتو السجاجين
ليش الشورى ردت بيكم او ياحيف
صرتوا ادروع للباطل دواوين
نسيتوه امس هاي الزجية ليش
بسمار ابضلعه امن الملاعين
نسيتو المرتضى من كيدوه الكوم
او يشوف الزهرة معصورة ابحياطين
لا جلكم ما قبل حاكم تحط الناس
صعب حيدر يشوف انهضمت ام حسين
يا وسفة كعتو بالسقيفة اليوم
شورى الامر صار او بيه مفتخرين
او قنفذ من تعنى ابفخر للبسمار
بسامير او صفتوا انتوا المطاعين
هذا المهدي بيكم صاح اريد انصار
او عرف بيكم ابد ما جنتوا منتظرين
هو المنتظر ما شاف منكم خير
وابجيته ابد مايوم مقتنعين
اعلنوه علن ما تنفع الاسرار
بالمهدي دقروا او كولو متوهمين
كالاه الجبير او كولو انتو اوياه
جذب من كال شاف المهدي طرفة عين
لايقظة او حقيقة او لابعد رؤيا
ولا واحد يشوفه او عشرة لا خمسين
ولا هو يشوف او لاتشوفه الناس
او لتصدك الكالو شافته الخيرين
علنه علن ماكو امام اليوم
لا ادور بعد تتبع عناوين
او عجل بالفرج نلغيه راح اليوم
عدنه اهواي صارو برلمانيين
واجلمة العجل بيه متعودين
بس نطقة لسان او اسود المضموم
تعويد او ابد ما ضبطوا الشفتين
بس جلمة جذب يعرفهم المعبود
والهذا السبب غايب المهدي اسنين
ابعدد غزوة بدر رايد المهدي انصار
او نعد الشيعة صاروا بالملايين
ما بيكم ثلثمية عجيب اشلون
ما بيكم عشرة الاف متهيئين
خل نحجي ابصراحة او نكشف المضموم
لو يدري الامام اتناصرون الدين
من درب الحسين ايشيل كومة انصار
او من هاي العبر اخذ البراهين
صح شاف الجدم تمشي لبو السجاد
بس نفس الجدم والت سلاطين
صح راية علي رفعوه هاي الناس
او هم راية عمر رفعوه في عليين
صح راية حسين البطريق انشوف
او هم راية شمر مرفوعة ويه حسين
صح اجفوف ابو النوماس مرفوعات
او هم راية علت للكاطع الجفين
صح شفنه رضيع او بالسهم مذبوح
بس شفنه السهم محترم لا ميلين
صح زينب يسيره امصوريه الكوم
بس هم الحدو بيه اهواية محترمين
صح راية القائم علت على الزوار
بس فوك النجم راية شياطين
صح شفنه خلك منتخبه اهل البيت
بس نفس الخلك ليزيد منتخبين
اشلون المهدي بيكم يفتح البلدان
او لكاكم على السقيفة اليوم متفقين
هذا القائم ابنصكم خذلتوه ليش
ابنه احمد اجاكم فتشوه العين
وين ايام عجل بالفرج مولاي
وين اسيوف كلتو انصير اله وين
سيفك ما تحده ابصدر طاغوت
ليش ابصدره حدتو السجاجين
ليش الشورى ردت بيكم او ياحيف
صرتوا ادروع للباطل دواوين
نسيتوه امس هاي الزجية ليش
بسمار ابضلعه امن الملاعين
نسيتو المرتضى من كيدوه الكوم
او يشوف الزهرة معصورة ابحياطين
لا جلكم ما قبل حاكم تحط الناس
صعب حيدر يشوف انهضمت ام حسين
يا وسفة كعتو بالسقيفة اليوم
شورى الامر صار او بيه مفتخرين
او قنفذ من تعنى ابفخر للبسمار
بسامير او صفتوا انتوا المطاعين
هذا المهدي بيكم صاح اريد انصار
او عرف بيكم ابد ما جنتوا منتظرين
هو المنتظر ما شاف منكم خير
وابجيته ابد مايوم مقتنعين
اعلنوه علن ما تنفع الاسرار
بالمهدي دقروا او كولو متوهمين
كالاه الجبير او كولو انتو اوياه
جذب من كال شاف المهدي طرفة عين
لايقظة او حقيقة او لابعد رؤيا
ولا واحد يشوفه او عشرة لا خمسين
ولا هو يشوف او لاتشوفه الناس
او لتصدك الكالو شافته الخيرين
علنه علن ماكو امام اليوم
لا ادور بعد تتبع عناوين
او عجل بالفرج نلغيه راح اليوم
عدنه اهواي صارو برلمانيين
Comment