Tweet
شله الخلك ملتمة اعلى حامينه غريب او لا اهل عنده ابهل المدينة
ملتمة الخلك شنهو الجرة اعليه
امة او ضاعت او رايد يدليه
هاي الكوم بيش حسين ماذيه
اخوي حسين ليش الكوم والينه
تطعنه الناس صارت بالسيوف او زان
عملة كربلا ما ظن يمره انسان
جسد من الطعن صاير هدف عنوان
ياهو الراد يرمي او ذب سجاجينه
بسكم يا خلك جسمه انترس طعنات
حي او ما خلص منكم دعوفو المات
بعد شله الخلك متولته ابضربات
بعد شله الخلك مو طاح ابو سكينه
ابو اليمة وكع جا ليش ملتمين
تمثلون ابأخوي ابيا شرع يادين
ما ظل كتر صاحي او تحط بي سجين
بعد وين او تحط كثرت مطاعينه
بسكم بالطعن موغمضت اعيونه
وابهيده اريدن من تذبحونه
وأناشدكم اريد اميه تطونه
شربوه او بعد مدوله رجلينه
يبست شفته والماي دسكوه
حتى الشاة عدكم من تذبحوه
الشريعة اتكول كبل الذبح شربوه
جا وين الشرع كلولي جا وينه
اعلى هونك ياشمر من تخمد انفاسه
العليل ابنه يصد لا تجرح احساسه
دعش مرة تضربه او تطعن ابراسه
تطعنه اشلون كبل الذبح حادينه
تذبحونه دكافي او خلو دمه ايسيل
ابريحانه محمد جايز التمثيل
بعد هذا العمل كله تدوسه الخيل
بعد ذاك العمل للخيل رامينه
لوعة كربلا ما منها كل لوعة
انهدم ركن الشريعة الاصل وفروعه
حوافر خيل كامت ترض بضلوعه
من تعبت زلم للخيل مطينه
او من تعبت الخيل الرمح مستلمة
الخيل اويه الرمح واسهام ملتمة
اخبرك يا رمح بالنحر من شمه
محمد قبله او للنحر ماذينه
رسول الله انت الشايل ابهل اليوم
او وجه حسين وجه الواحد القيوم
ميدوم الظلم يا رمح لا ميدوم
اذا يوم انصب ميزان بارينه
تعرف يا رمح للكعبة شايله
روس الانبياء يا رمح حامله
حتى الطفل من عملتك شاب اله
ابراس حسين كلي اشلون سابينه
ملتمة الخلك شنهو الجرة اعليه
امة او ضاعت او رايد يدليه
هاي الكوم بيش حسين ماذيه
اخوي حسين ليش الكوم والينه
تطعنه الناس صارت بالسيوف او زان
عملة كربلا ما ظن يمره انسان
جسد من الطعن صاير هدف عنوان
ياهو الراد يرمي او ذب سجاجينه
بسكم يا خلك جسمه انترس طعنات
حي او ما خلص منكم دعوفو المات
بعد شله الخلك متولته ابضربات
بعد شله الخلك مو طاح ابو سكينه
ابو اليمة وكع جا ليش ملتمين
تمثلون ابأخوي ابيا شرع يادين
ما ظل كتر صاحي او تحط بي سجين
بعد وين او تحط كثرت مطاعينه
بسكم بالطعن موغمضت اعيونه
وابهيده اريدن من تذبحونه
وأناشدكم اريد اميه تطونه
شربوه او بعد مدوله رجلينه
يبست شفته والماي دسكوه
حتى الشاة عدكم من تذبحوه
الشريعة اتكول كبل الذبح شربوه
جا وين الشرع كلولي جا وينه
اعلى هونك ياشمر من تخمد انفاسه
العليل ابنه يصد لا تجرح احساسه
دعش مرة تضربه او تطعن ابراسه
تطعنه اشلون كبل الذبح حادينه
تذبحونه دكافي او خلو دمه ايسيل
ابريحانه محمد جايز التمثيل
بعد هذا العمل كله تدوسه الخيل
بعد ذاك العمل للخيل رامينه
لوعة كربلا ما منها كل لوعة
انهدم ركن الشريعة الاصل وفروعه
حوافر خيل كامت ترض بضلوعه
من تعبت زلم للخيل مطينه
او من تعبت الخيل الرمح مستلمة
الخيل اويه الرمح واسهام ملتمة
اخبرك يا رمح بالنحر من شمه
محمد قبله او للنحر ماذينه
رسول الله انت الشايل ابهل اليوم
او وجه حسين وجه الواحد القيوم
ميدوم الظلم يا رمح لا ميدوم
اذا يوم انصب ميزان بارينه
تعرف يا رمح للكعبة شايله
روس الانبياء يا رمح حامله
حتى الطفل من عملتك شاب اله
ابراس حسين كلي اشلون سابينه
Comment