Tweet
بسم الله الرحمن الرحيم
الحمد لله رب العالمين وصلى الله على محمد وآل محمد الأئمة والمهديين وسلم تسليما
نزولا عند رغبة بعض الأخوة الأنصار أضع لكم الرد على قصيدة رحيم المالكي (الى الآن تجري يا فرات)!!
عفى صبرك عالظلم آ يا فرات
وأنت صبرك دين منهو اليعلمه
هواي يمك دكو اوتاد اتهام
جنك انت الخنت سبع الموزمه
وجنك انت السلمت مسلم لدين
شلة ابن زياد وشاركت بدمه
مو عشرة الاف عافوه بالصلاة
وشردوه بالكوفة والكل نايمه
ذوله الصبو عليك الاتهام
وحملوك اذنوب اثكل من سمه
همه نفس الي رموا يوسف ابير
واجو يتباجون وبثوبه الدمه
وهمه نفس العافت الكاظم سجين
واجت عند حسين تبجي المظلمة
هو نفس المنطق ونفس الكلام
بس تريد الناس واحد تتهمه
وهمه لو يدرون حالك يا فرات
وشنهو تسبيحك لعد رب السما
جان طموا روسهم عند الضفاف
واغسلوا بطينك ظنون الواهمه
أنت طعت حسين طاعة عابدين
وهاي طاعة رفعتك يم السما
لكن الذمك وكف يم اليشوف
واليشوفه منك لحد الطمه
وهو لو شايف بعد أبعد لكان
وكع عد جدمك ويطلب مرحمه
أنت بس اسمك نبوه وهذا سر
ما انكشف لاحد ، واهله تكتمه
ورغم صبرك على الجرى ما اتجتفيت
وطلع منك سهم آية معلمة
من نطق ذاك اللعين وسب حسين
كام يشرب مايك ويشكي الظمه
صار مايك اشد من سم الزعاف
وكطع جبود الكفر بالموزمة
ومن اجاك الحيد شرعت الضفاف
وسبكيت تريد تتوضا بفمه
لاجن العباس اختار الصيام
واعتذر منك وسطر ملحمة
لما حس بايده بردك يا فرات
عاتب ايده ونفسه ظلت صايمه
يا نفس بعد الحسين تحب حياة
وشلون بعدك تبقى تتنفس لِمَ
أنت يا مولاي رويت الحياة
وأنت بالحك ما تردك لايمه
تكبل على الموت وتخوف الرماة
وهي منك عالهرب متعازمة
هواي ركعها العطش يم الفرات
بس أبو السجاد ركع ظالمه
وكال هيهات نتذلل للطغاة
واحنا من روى بدماهم صارمه
وأنت هم مظلوم يا نهر الفرات
أسروك اتباع هند وحنتمة
رادوا يذلوك من منعوا رواك
عن أهل بيت النبي والغانمه
لكن انت شيمتك شيمة أباة
ما رضيت تذل طفت حول السما
شكو المايك درب يعفي الضريح
غيرت دربك وحيرت الحمى
وهذا موقف غادروه العنفوك
وظنوا يطمسونك أهل اللايمة
الحمد لله رب العالمين وصلى الله على محمد وآل محمد الأئمة والمهديين وسلم تسليما
نزولا عند رغبة بعض الأخوة الأنصار أضع لكم الرد على قصيدة رحيم المالكي (الى الآن تجري يا فرات)!!
عفى صبرك عالظلم آ يا فرات
وأنت صبرك دين منهو اليعلمه
هواي يمك دكو اوتاد اتهام
جنك انت الخنت سبع الموزمه
وجنك انت السلمت مسلم لدين
شلة ابن زياد وشاركت بدمه
مو عشرة الاف عافوه بالصلاة
وشردوه بالكوفة والكل نايمه
ذوله الصبو عليك الاتهام
وحملوك اذنوب اثكل من سمه
همه نفس الي رموا يوسف ابير
واجو يتباجون وبثوبه الدمه
وهمه نفس العافت الكاظم سجين
واجت عند حسين تبجي المظلمة
هو نفس المنطق ونفس الكلام
بس تريد الناس واحد تتهمه
وهمه لو يدرون حالك يا فرات
وشنهو تسبيحك لعد رب السما
جان طموا روسهم عند الضفاف
واغسلوا بطينك ظنون الواهمه
أنت طعت حسين طاعة عابدين
وهاي طاعة رفعتك يم السما
لكن الذمك وكف يم اليشوف
واليشوفه منك لحد الطمه
وهو لو شايف بعد أبعد لكان
وكع عد جدمك ويطلب مرحمه
أنت بس اسمك نبوه وهذا سر
ما انكشف لاحد ، واهله تكتمه
ورغم صبرك على الجرى ما اتجتفيت
وطلع منك سهم آية معلمة
من نطق ذاك اللعين وسب حسين
كام يشرب مايك ويشكي الظمه
صار مايك اشد من سم الزعاف
وكطع جبود الكفر بالموزمة
ومن اجاك الحيد شرعت الضفاف
وسبكيت تريد تتوضا بفمه
لاجن العباس اختار الصيام
واعتذر منك وسطر ملحمة
لما حس بايده بردك يا فرات
عاتب ايده ونفسه ظلت صايمه
يا نفس بعد الحسين تحب حياة
وشلون بعدك تبقى تتنفس لِمَ
أنت يا مولاي رويت الحياة
وأنت بالحك ما تردك لايمه
تكبل على الموت وتخوف الرماة
وهي منك عالهرب متعازمة
هواي ركعها العطش يم الفرات
بس أبو السجاد ركع ظالمه
وكال هيهات نتذلل للطغاة
واحنا من روى بدماهم صارمه
وأنت هم مظلوم يا نهر الفرات
أسروك اتباع هند وحنتمة
رادوا يذلوك من منعوا رواك
عن أهل بيت النبي والغانمه
لكن انت شيمتك شيمة أباة
ما رضيت تذل طفت حول السما
شكو المايك درب يعفي الضريح
غيرت دربك وحيرت الحمى
وهذا موقف غادروه العنفوك
وظنوا يطمسونك أهل اللايمة
Comment