Tweet
بســم الله الرحمــن الرحيــم
اللهــم صـلِ علـى محمــد وآل محمــد الأئمــه والمهدييــن وسلـم تسليمــاً كثيــراً
يآعلي بهآي المسية .... تدفن شلون الزجية
مآهجر روحك صبرهآ .... وأنت شآيلهآ الكبرهآ
أنآ أدريك وأعرفك .... يآ علي اتهز النوآيب
لحظه مآ يرجف دليلك .... لو تصب صب المصآيب
اشعجب هليلة تبجي .... وكَلبك بآهآته ذآيب
هآ يحيدر جنهآ صعبه .... ليلة افرآك الحبآيب
هآ يحمآي الحمية .... شو وكعت اعلى الوطية
وشكبر حسره التجرهآ .... وأنت شآيلهآ الكبرهآ
بآب خيبر أنت وحدك .... يآ علي ابجفك تشيله
ولو جبل صآر بطريقك .... والله هم تكدر تزيله
ليش جآ هسه الحبيبه .... عليك شيلتهآ ثكيله
مآت حيلك يالصميدة .... من هجر كَلبك خليله
يآ علي اليهجر حبيبه .... بكل وكَت يسعر لهيبه
رآحت الروحك تسرهآ .... وأنت شآيلهآ الكبرهآ
أنآ أدري اتصد عليهآ .... يآ علي إبساعة دفنهآ
لكن أصبر يالصميدة .... من تكرب أنت منهآ
خدهآ مسطور اعلى طوله .... يآ علي أوآرم جفنهآ
وبآلك وتوصل ظلعهآ .... لآ تهيج بيهآ ونهآ
الهسبب تركت وصية .... خلي ثوبي ايظل عليه
بهيده لآ تلجم صدرهآ .... وأنت شآيلهآ الكبرهآ
حتى الأملآك إبسمآهآ .... يآ علي صآبتهآ حيره
هي مو ميته الزجية .... الوجه ليش وتديره
للحسن وحسين جنهآ .... تنظر النظره الأخيره
وجنهآ صآحت يمه زينب .... عالحزن بعدج زغيره
ميته والدمعه اعلى خدهآ .... عينك شلون وتصدهآ
زهرتك خّلص عمرهآ .... وأنت شآيلهآ الكبرهآ
من شلت بيدك زهرتك .... والكصد تمشي الكبرهآ
مآ شفت خلفك سوآده .... ومآ شغل بآلك آمرهآ
جنهآ زينب يالصميدة .... خطوتك تبعت آثرهآ
مو كصدهآ اتودع امهآ .... يآ علي اتّودع عمرهآ
صآحت ابلوعه وأذيه .... بويه رد أمي إليه
ورآدت اتلوذ بكترهآ .... وأنت شآيلهآ الكبرهآ
قبل من تحزن يحيدر .... لو تحس أنت ابمصيبه
هآيه كلهآ اتروح والله .... ابشوفة الزهرة الحبيبة
هسه وين اتروح كلي .... يآ علي وروحك غريبه
وكلي جرحك من يضمده .... يآ علي وسآفر طبيبه
أم الحسين الوفيه .... منك أخذهآ المنية
تقبل شلون ابهجرهآ .... وأنت شآيلهآ الكبرهآ
والحمــــــد لله وحــــــده
