إعـــــــلان

Collapse
No announcement yet.

نِنْتظرك ياثــــار === تاخذ ثار الدار

Collapse
X
 
  • Filter
  • الوقت
  • Show
Clear All
new posts
  • shahad ahmad
    عضو مميز
    • 15-11-2009
    • 1995

    نِنْتظرك ياثــــار === تاخذ ثار الدار

    ـ

    بسم الله الرحمن الرحيم اللهم صل على محمد وال محمد الائمه والمهديين وسلم تسليما قرائت هذه القصيده باحد المنتديات واغلب الشعراء او اغلب الناس يلومون الامام المهدي لتاخره وهم المنتظرون ولما ارسل لهم ابنه ع قالو ارجع يابن فاطمه لاحاجه لنا بك ينتظرون المهدي ع ليعلمهم مكان قبر الزهراء اولم يعلمهم الامام احمد ع بقبر الزهراء ع ؟؟؟ياترى هل يصدقوا الاب بعدما كذبوا رسوله ووصيه احمد ع ....نسال الله الثبات مع اولياء الله ويرزقنا الشهاده معهم وان نطلب الثار لام الائمه الزهراء ع تحت راية ابنها المهدي ع والسر المستودع فيها الامام احمد ع
    ـــــــــــــــــــــــــــــــــــــــــــــــــ ـــــــــــــــــــــــــــــــــ
    نِنْتظرك ياثــــار === تاخذ ثار الدار
    وإحنه إوياك إجنود === ما نتعـــب ثــــــوّار
    وإيصير العلم عالي === على كُل البريّـــــــه

    ـــــــــــــــــــــــــــــــــــــــ
    ملّينه الصبر يلمهدي نِنْتظرك تجينه
    ثاراتك غُفَه إعليها الزمن يضحك علينه
    نطلب ثار باب الطاهره الزهره الحزينه
    نطلب ثار ضلع أمّك يبو النفس الأمينه
    نطلب ثار مُحسن من وگع يشكي الضغينه
    نطلب ثار بسمار الصدر منّه إنعمينه
    صابَتْنَــــه الأيّـــام === يا إبن الضـرغام
    بينه إتنوح إجروح === من شر الأقــزام
    نِنْتظرك يبو صالح === تهل يبن الزچيـه
    وإيصير العلم عالي === علــى كُل البريّه
    ـــــــ
    نطلب ثار گبر أمّك خفه إعلينه ثراها
    تاخذنه إو نروح إوياك تربتها نراها
    يبو صالح نصيح إبصوت كُل إحنَه فداها
    نهل دمعات فوگ إتراب زهرتنه إو سناها
    وإنشمّه العُطر من التُرب ذاكَ الحواها
    نلعن كُل وضيع السَنْ ظلمها إو مارعاها
    نلعن كُل مذمــــــوم === شر يحمل محموم
    نهتف واويـــــــلاه === يلوالي المهمـــوم
    أبد ما ظل صبر بينه === يبن حامي الحميه
    وإيصير العلم عالـي === علــى كُل البريّــه
    ـــــــ
    شفيعتنه الوديعه بالحشر يضوي سناها
    تنطينه الجواز الشافعه إو نمشي وراها
    نشاهد حيدره الحامي علي رافع لواها
    على الكوثر ينادي إو يروي العطشى ظماها
    وأم إحسين ويّانه إبوسط جنّةْ عُلاها
    إلهي الخالق الجبّار للزهره رعاها
    أمّك ياموعــــــــود === موقفها مشهــــــود
    يوم المحشـــر راح === تنطي الشيعه إبزود
    سواد الليل ما يبقـه === تِنَوْره الهاشميـــــه
    وإيصير العلم عالي === علــى كُل البريّـــــه
    ـــــــــــــ
    يلمهدي يريتك حاضر إبيوم الوديعه
    ما تصبر على الضيم النزل بيها الشفيعه
    أظَن تفني الأجوا يرمون أحقاد إو قطيعه
    وظن فاض الصبر منّك يبو الهمّه الوسيعه
    تريد الثار منهم زمرة إبليس الفضيعه
    تريد الثار من كُل ناصبي روحه وضيعه
    وإحنه إوياك إنثور === ترسم إلْنَه الــــدور
    ناخذ ثار البــــــاب === والضلع المكســور
    يحل نورك يوالينـه === على الدنيه الزهيّه
    وإيصير العلم عالي === علــى كُل البريّـــه
    ـــــــ
    نريدك سيدي تكشف ظلام الليل للناس
    وأزلام الظلم والزيف يامولاي تنداس
    يشع نورك على الدنيه إو تسر عينيين عباس
    لأن تروي الخلايق ما يظل عطشان منحاس
    والشيعي يعيش إبخير يمشي رافع الراس
    يزور أم الحسن ما يعترض أنذال أرجاس
    للزهره أم إحسيــن === نجري إدموع العيـن
    وإلها إنزور إويـاك === بالحق تبني الديــــن
    تاخذ ثارها النـازف === دمـــاء الغاضريــــه
    وإيصير العلم عالي === علــى كُل البريّـــــه
    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ
    مع تحيات شاعر اهل البيت / جابر النجفي
  • صبر العقيلة
    عضو مميز
    • 30-12-2011
    • 1333

    #2
    رد: نِنْتظرك ياثــــار === تاخذ ثار الدار


    بســم الله الرحمــن الرحيــم
    اللهــم صـلِ علـى محمــد وآل محمــد الأئمــه والمهدييــن وسلــم تسليمــاً كثيــراً


    أحسنتــم أختــي ،،
    وفقكــم الله لخيــر الدنيــآ والآخــره
    ثبتنــآ الله وإيآكــم علـى ولآية محمــد وآل محمــد





    والحمــــــد لله وحــــــده



    مـآ طـآح العلـم بالكَـآع ... حضـر سـآعتهـآ مهدينـآ
    وطــخ للكَـآع ابـو صـآلـح ... وشـآل العلـم بيمينـه
    وانطــه عهـد يـآخـذ الثـآر ... واحنـه الثـآر تـآنينـه

    نصــــر مـن الله وفتـــح قريـــــب

    Comment

    Working...
    X
    😀
    🥰
    🤢
    😎
    😡
    👍
    👎