إعـــــــلان

Collapse
No announcement yet.

مقارنة بسيطة بين الامام علي عليه السلام ومن عاداه خادمكم شاعر ابا العباس

Collapse
X
 
  • Filter
  • الوقت
  • Show
Clear All
new posts
  • شاعر اليماني 1
    عضو جديد
    • 16-11-2011
    • 18

    مقارنة بسيطة بين الامام علي عليه السلام ومن عاداه خادمكم شاعر ابا العباس

    هاي النواصب علي ابفضلك غدت ياهله
    او دين الله بيك اعتلى غيرك بعد ياهله
    ياطهر من الطهر بيت الطهر ياهله

    من بعد طه صبح حيدر علينه ولي
    مافرط ابحبه انه وافتخر زايد ولي
    طلك الدنيا او زهد كال اله عني ولي

    مابيع حبك علي او بغلى سعر شارله
    وال يبغضك سيدي والله اظن شارله
    ابيوم الغدير النبي الهذا الفتى شارله

    حط ايده بيده او هتف بأرض او سما عادله
    ما خاب كلمن رضا او بالمعضلة عاد اله
    فايز البيه ارتضى او خسران من عاد اله

    يخسر وحك النبي الدين الله حيدر عمر
    ناس التجلب جهل متلوف والله العمر
    وين الي رد الشمس وين اليصفن عمر

    وين الختل ما طلع وين اليجاهد بدر
    وين الدفع فاطمة والحقد منه بدر
    وين الي وجه ظلم وين الوجه بدر

    وين الي عابد صنم وين العبد بس احد
    وين الي سيفه خمد وين الي سيفه احد
    وين الشرد بالحرب وين الي قاتل احد

    وين اليكل للحرب مييت هله مرحبا
    وين الي عاده النبي او حبه جذب مر حبا
    وين الي يرجف جبن وين الشطر مرحبا

    وين الي هاب الحرب وين الذي وده
    وين الي بيت النبي بيده الحطب وده
    وين البرز ما رجف من صاح ابن وده

    وين الي صاح اعتذر ما اريد انه الجنته
    وين اليهابه بطل ترجف حذر جنته
    وين الزهد دنيته وين الذي جنته

    وين الي عاف الملك للمال والله هجر
    وين الي حط النبي بيده الفواطم هجر
    وين اليطيعه صدك وين الي كالو هجر

    وين الي ماشه النبي ابكل لحظة ظل عايشه
    وين الي صبره جبل لاجل السنن عايشه
    وين الهجم فاطمة وين الستر عايشه

    وين الي باب النبي ابصدر الطهر رده
    وين اليكسر ظلع ما هاب ابد رده
    وين الي بيد النسا حيدر علي رده

    وين الي ضد الشيم وين النضح غيرته
    وين الي عكس النبي سوه لاجل غيرته
    وين الي عاف الهوى والدنيا ما غرته

    وين الي خالف امر ظل ابحقد منكره
    وين العشك خالقه وين الذي منكره
    وين الحضر بالكبر يبعد عليه منكره

    وين الصعد للعلى وين البقت بس بشر
    وين الوكف محكمة وين الي وجه بشر
    وين اليطب ابسقر وين اليطلع بشر

    وين الي وج وانطفه وين الشفع لأمته
    وين التحي ملك وين الذي لامته
    وين الخلد بالخزي او ظل ينتخي لامته

    وين النفوس الذي طول العمر مارضت
    وين الذي فاطمة عنهم غفت مارضت
    وين الي رضو ضلع وضلوعهم مارضت

    اليوم يوم الحشر نار الولي لاهبه
    متميز امن العبد لا معتلي لاهبه
    لا مال ينفع بعد لا ترتجي لاهبه

    بس اليحبك علي ما خاب ابد راي اله
    اطيور نصبح الك ما نمشي ابد رايله
    كل شيعي يوم الحشر بيده رفع رايه اله
    مكتوبة اشفع علي وانت الترد ياهله
    مكتوبة اشفع علي وانت الترد ياهله

    والسلام عليكم ورحمة الله وبركاته نسئلكم الدعاء
  • almawood24
    يماني
    • 04-01-2010
    • 2174

    #2
    رد: مقارنة بسيطة بين الامام علي عليه السلام ومن عاداه خادمكم شاعر ابا العباس

    مشاالله مشاالله
    وفقك الله وسدد خطاك انشاالله بدوله العدل الالهي
    من اقوال الامام احمد الحسن عليه السلام في خطبة الغدير
    ولهذا أقول أيها الأحبة المؤمنون والمؤمنات كلكم اليوم تملكون الفطرة والاستعداد لتكونوا مثل محمد (ص) وعلي (ص) وآل محمد (ص) فلا تضيعوا حظكم، واحذروا فكلكم تحملون النكتة السوداء التي يمكن أن ترديكم وتجعلكم أسوء من إبليس لعنه الله إمام المتكبرين على خلفاء الله في أرضه، أسأل الله أن يتفضل عليكم بخير الآخرة والدنيا.

    Comment

    Working...
    X
    😀
    🥰
    🤢
    😎
    😡
    👍
    👎